អំពីខ្ញុំ

សូមស្វាគមន៍ ចំពោះអ្នកទាំងអស់គ្នា .. ! 

ជាដំបូង ខ្ញុំសូមអរគុណខ្លាំងណាស់ដល់ ឯកឧត្តម លោកជំទាវ អស់លោក-​លោកស្រី និងប្រិយ៍​មិត្ត​អ្នក​អានទាំងអស់ ដែលបានចំណាយពេលវេលាដ៍មានតម្លៃរបស់ខ្លួន ចូលមកអាននូវ​សារ​របស់ខ្ញុំ។

   ជាការពិតណាស់ ខ្ញុំបានចាកចេញពីស្រុកកំណើតរបស់ខ្ញុំ នៅពេលដែលខ្ញុំ បានបញ្ចប់ការសិក្សា​ថ្នាក់​វិទ្យា​ល័យក្នុងឆ្នាំ2000។ខ្ញុំបានតស៊ូ​អស់រយៈពេលដ៏យូរអង្វែងចាប់តាំងពីខ្ញុំបានបញ្ចប់ពីការសិក្សា​​​​នៅ​ថ្នាក់​វិទ្យាល័យ។ ​ខ្ញុំបានស្វែងរកការងារធ្វើបន្ទាប់ពីពេល​នោះមកគឺពិតជាលំបាកណាស់ក្នុង​ការ​ទទួល​បានប្រាក់​កម្រៃ​ដើម្បីបន្តដល់ការសិក្សារបស់ខ្ញុំបន្ថែមទៀត នោះក៍ដោយសារតែក្រុម​គ្រួសាររបស់ខ្ញុំគឺហិរញ្ញវត្ថុ​នៅមានកម្រិតទាប ម្លោះហើយក៍បណ្តាលអោយខ្ញុំ សម្រេចចិត្តចាកចេញ​ពី​ស្រុក​​កំណើត​ របស់ខ្លួន។​ មានក្រុមហ៊ុនជាច្រើនដែលខ្ញុំបានដាក់ពាក្យរកការងារធ្វើ តែមិនដែលបានជាប់ទេ ព្រោះគេ​ត្រូវការតែអ្នកមានបទពិសោធន៍​ស្រាប់តែប៉ុណ្ណោះ។

​ខេត្តស្វាយរៀង​...‌!​​​​​​​​​​​​​​​​គឺជាខេត្តមួយដែលខ្ញុំបានសិក្សាវគ្គបណ្តុះបណ្តាលខ្លីៗមួយចំនួន​ដូចជាៈ ​ភាសាអង់​​​ គ្លេស  កុំព្យូទ័រ  ​​ និងទីផ្សាជាដើម។

ខ្ញុំបានទទួលការងារជាទៀងទាត់មួយនៅក្នុងឆ្នាំ២០០០ គឺជាបុគ្គលិកមន្រ្តីរដ្ឋបាលបណ្តែតភូមិបាល និងសំណង់នៅឃុំប៉ោយប៉ែត ស្រុកអូរជ្រៅ ខេត្តបន្ទាយមានជ័យរហូតដល់ឆ្នាំ២០០៣។​ បើ​យោង​​ទៅតាម​ស្ថានភាពហិរញ្ញវត្ថុ​ដែលខ្ញុំទទួលបាន គឺមិនអាច​ទប់ទល់នឹងតម្រូវការរបស់ខ្លួនបាន​ឡើយ​ ខ្ញុំបានផ្លាស់​ប្តូរការងាររបស់ខ្ញុំជាថ្មីទៅបម្រើការងារក្នុងកាស៊ីណូនិងសណ្ឋាគាររហូតដល់ 
សព្វថ្ងៃនេះ។

នៅថ្ងៃទី ១៧ ខែ វិច្ឆិកា ឆ្នាំ២០០៩  ខ្ញុំបានបញ្ចប់ការសិក្សារបស់ខ្លួននៅសាកលវិទ្យាល័យ ស៊ីធី ក្រុង​ភ្នំពេញដោយការប្រឹងប្រែងរកប្រាក់ដោយខ្លួនឯង តាមរយៈការងារកម្លាំងញើសឈាមរបស់ខ្លួន។ខ្ញុំមិនទទួល​ការសិក្សាបន្តទៀតឡើយ ដោយសារតែពេលវេលានៅពេលនេះ គឺតូចចង្អៀតណាស់ សម្រាប់ខ្ញុំ ហើយវា​តែងតែ​ហោះហើរទៅគ្មានត្រឡប់ក្រោយវិញទេ។​ ដូច្នេះបទពិធន៍ និងចំណេះ​ដឹង ទាំងអស់​របស់ខ្ញុំ​ដែលខ្ញុំមាន ខ្ញុំតែងតែចែករំលែកទៅកាន់មិត្តរួមការងាររបស់ខ្ញុំ បុគ្គលិកខ្ញុំ និងអ្នកដទៃទៀត​ប្រសិនបើពួកគេត្រូវការ ព្រោះទាំងអស់នេះ​ ​គឺដោយសារតែខ្ញុំនឹកទៅដល់​សកម្ម​ភាពពី អតីតកាលរបស់ខ្ញុំ ដែលខ្ញុំបានព្យាយាមយ៉ាងលំបាកកន្លងមក។

ជាទីបញ្ចប់ ខ្ញុំសូមអរគុណម្តងទៀតចំពោះឯកឧត្តម លោកជំទាវ អស់លោក-លោកស្រី និងប្រិយ៍​មិត្ត​អ្នក​​អានទាំងអស់ ដែលបានចំណាយពេលដ៍មាន​តម្លៃ​អាននូវសាររបស់នេះ។

សូមគោរពជូនពរ ឯកឧត្តម លោកជំទាវ អស់លោក-លោកស្រី និងប្រិយ៍មិត្ត​អ្នក​អានទាំងអស់ ជួបប្រទះតែ សុខភាពល្អ មានសំណាងល្អ និងជោគជ័យគ្រប់ភារកិច្ច។

ប្រធានគ្រប់គ្រងធនធានមនុស្ស
កាស៊ីណូ-សណ្ឋាគារ​ GOOD LUCk ៩